زابل کې د پنځو لوبډلو ترمنځ د فوټبال سيالۍ پای ته ورسېدې
د زابل ولايت د بدني روزنې او ورزش آمريت په همغږۍ او د فوټبال فدراسيون د استازولۍ له لوري د ياد ولايت په شاجوی ولسوالۍ کې د پنځو لوبډلو ترمنځ د فوټبال سيالۍ د طلوع لوبډلې په اتلولۍ پای ته ورسېدې.
د يادو سياليو پايلوبه کې طلوع لوبډلې خپلې سيالې استقلال لوبډلې ته د ۳ پر ۰ گولونو په توپير ماتې ورکړه او اتلولي يې وگټله.
دا سيالۍ د لوبغاړو ترمنځ د يووالي په موخه وشوې، چې دوې اوونۍ يې دوام وکړ.
