میدان وردګ؛ دایمیرداد ولسوالۍ کې د ۱۲ لوبډلو ترمنځ د ټېپ بال کرېکټ سیالۍ پای ته ورسېدې
د میدان وردګ ولایت د بدني روزنې او ورزش آمریت له لوري د یاد ولایت په دایمیرداد ولسوالۍ کې د ۱۲ لوبډلو ترمنځ د ټېپ بال کرېکټ سیالۍ د ګوډه اتلانو لوبډلې په اتلولي پای ته ورسېدې.
د یادو سیالیو پایلوبه کې خړخېل لوبډله د خپلې سیالې ګوډه اتلانو لوبډلې ۸۵ منډو هدف ترلاسه کولو کې پاتې راغله او لوبه د څلورو منډو په توپیر د ګوډه اتلانو لوبډلې په اتلولي پای ته ورسېده.
دا سیالۍ د خلکو لپاره د سالمې تفرېح برابرولو په موخه ترسره شوې، چې دوې اوونۍ یې دوام وکړ.
