بلخ؛ بلخ ولسوالۍ کې د څلورو لوبډلو ترمنځ د رسۍ کشونې سيالۍ وشوې
د بلخ ولايت د بدني روزنې او ورزش رياست اړوند د ملي او دوديزو لوبو مدیریت له لوري د ياد ولايت په بلخ ولسوالۍ کې د څلورو لوبډلو ترمنځ د رسۍ کشونې سيالۍ وشوې.
د دغو سياليو په پايله کې مزارشريف ښار لوبډلې لومړی او بلخ لوبډلې بيا دويم مقام خپل کړ، چې لومړي مقام گټونکې لوبډلې ته ۵٫۰۰۰ زره افغانۍ د انعام په توگه ورکړل شوې.
د يادو سياليو موخه ملي او دوديزو لوبو ته وده ورکول او ورزش ته د ځوانانو هڅول وو، چې يوه ورځ يې دوام وکړ.
