پکتيکا کې د اتو لوبډلو ترمنځ د ټېپ بال کرکټ سيالۍ پای ته ورسېدې
د پکتيکا ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د ياد ولايت په مرکز مسواس سيمه کې د اتو لوبډلو ترمنځ د ټېپ بال کرکټ سيالۍ، چې يوه اوونۍ مخکې پيل شوې وې د ستومان لوبډلې په اتلولۍ پای ته ورسېدې.
د دغو سیالیو پايلوبه کې ستومان او احمدي کلب لوبډلو ترمنځ ترسره شوه، د لوبې پچه احمدي کلب لوبډلې وگټله او لومړی يې د توپ وهنې پریکړه وکړه، چې په ټاکلو ۱۲ اورونو کې يې د لسو لوبغاړو په سوځېدو سره سيالې لوبډلې ته د ۱۲۴ منډو هدف وټاکه، په مقابل کې ستومان لوبډلې ياد هدف په لسم اور کې ترلاسه کړ او لوبه يې د شپږو ويکټو په توپير وگټله.
د يادو سیالیو موخه د ځوانانو ترمنځ يووالی رامنځته کول او له نشه يي توکو څخه يې ليری والی وو.
