بلخ؛ چهاربولک ولسوالۍ کې د اتو لوبډلو ترمنځ د واليبال سيالۍ پای ته ورسېدې
د بلخ ولايت د بدني روزنې او ورزش ریاست اړوند د واليبال فدراسيون د استازولۍ له لوري د چهاربولک ولسوالۍ په احمد آباد کلي کې د اتو لوبډلو ترمنځ د واليبال سيالۍ، چې يوه شپه يې دوام وکړ د احمدآباد لوبډلې په اتلولۍ پای ته ورسېدې.
د يادو سیالیو په پایلوبه کې احمدآباد لوبډلې خپلې سيالې اورناغه لوبډلې ته د ۱ پر ۰ ميدان په توپير ماتې ورکړه او اتلولي يې وگټله.
د ويلو وړ ده، چې د دغو سیالیو موخه د واليبال ورزش ته د ځوانانو هڅول او ترمنځ يې يووالی رامنځته کول وو.
