کندهار کې د ۱۲ لوبډلو ترمنځ د واليبال سيالۍ پای ته ورسېدې
د کندهار ولایت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په مرکز غازي محمد ايوب خان لوبغالي کې د ۱۲ لوبډلو ترمنځ د واليبال سيالۍ، چې دوې اوونۍ مخکې پيل شوې وې د عليشنگ ځوانانو لوبډلې په اتلولۍ پای ته ورسېدې.
د يادو سياليو په پايلوبه کې عليشنگ ځوانانو لوبډلې خپلې سيالې سیدآباد لېسې لوبډلې ته د ۳ پر ۲ ميدانونو په توپير ماتې ورکړه او اتلولي يې په خپل نوم کړه.
د ويلو وړ ده، چې د دغو سیالیو په پای کې لومړي او دويم مقام گټونکو لوبډلو ته کپونه، مډالونه او ستاينليکونه ورکړل شول.
