پکتيکا؛ خوشامند ولسوالۍ کې د ۵۰ لوبډلو ترمنځ د واليبال سيالۍ پيل شوې
د پکتيکا ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په خوشامند ولسوالۍ کې د ۵۰ لوبډلو ترمنځ د واليبال سيالۍ پيل شوې.
د يادو سیالیو په لومړنۍ لوبه کې مامور خېلو لوبډلې خپلې سيالې غزني ناني لوبډلې ته د ۲ پر ۰ ميدانونو په توپير ماتې ورکړه او بريا يې په خپل نوم کړه.
دا سيالۍ په يادې ولسوالۍ کې د واليبال ورزش ته د ودې ورکولو په موخه ترسره کېږي، چې شاوخوا دوې اوونۍ به دوام وکړي.
