پکتیا کې د ۱۲ لوبډلو ترمنځ د فوټبال سیالۍ پای ته ورسېدې
د پکتیا ولایت د بدني روزنې او ورزش ریاست اړوند د فوټبال فدراسیون د استازوالۍ له لوري د یاد ولایت مرکز ګردېز ښار اړوند دولت زیو سیمه کې د ۱۲ لوبډلو ترمنځ د فوټبال سیالۍ د خدایداد خېلو لوبډلې په اتلولۍ پای ته ورسېدې.
د دغو سیالیو پایلوبه کې خدایداد خېلو لوبډلې د ۳/۲ ګولونو په توپیر خپلې سیالې مهلن لوبډلې ته ماتې ورکړه او اتلوالي یې خپله کړه.
دا سیالۍ د ځوانانو ترمنځ د یووالي په موخه ترسره شوې، چې ۲۵ ورځې یې دوام وکړ او په پای کې غوره لوبغاړو ته چمتو شوې ډالۍ ورکړل شوې.
