پکتیکا؛ ارګون ولسوالۍ کې د ۳۲ لوبډلو ترمنځ د فوتسال ژمنۍ سیالۍ پای ته ورسېدې
د پکتیکا ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ارګون ولسوالۍ کې د ۳۲ لوبډلو ترمنځ د فوټسال ژمنۍ سیالۍ د عطأالله شاهین لوبډلې په اتلولي پای ته ورسېدې.
د دغو سیالیو پایلوبه د عطأالله شاهین او عبدالولي ګلشاخېل لوبډلو ترمنځ ترسره شوه، چې په پایله کې یې عطأالله شاهین لوبډلې د ۳/۶ ګولونو په توپیر خپلې سیالې لوبډلې ته ماتې ورکړه او اتلولي یې خپله کړه.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې ۱۶ ورځې یې دوام وکړ.
