خوست ولايت کې د ۱۲ لوبډلو ترمنځ د ټېپ بال کرکټ پنځم پړاو سیالۍ پای ته ورسېدې
د خوست ولايت د بدني روزنې او ورزش رياست له لوري د ياد ولايت مرکز په صحرا باغ شيخانو ميدان کې د شيخانو غوره ليګ په نوم د ۱۲ لوبډلو ترمنځ د ټېپ بال کرکټ پنځم پړاو ګروپي سيالۍ، چې دوې مياشتې مخکې پيل شوې وې د قهرمان لوبډلې په اتلولۍ پای ته ورسېدې.
د دغو سياليو پایلوبه د قهرمان لوبډلې او د صحرا بازانو لوبډلې ترمنځ تر سره شوه، چې د صحرا بازانو لوبډلې د پچې په ګټلو سره د توپ وهنې پرېکړه وکړه، چې په ټاکلو لسو اورونو کې د ټولو لوبغاړو په سوځېدو سره مقابل لوبډلې ته ۱۶۱ منډو هدف وټاکه.په مقابل کې قهرمان لوبډلې ټاکل شوی هدف په نهو اورونو کې د دوه لوبغاړو په سوځېدو سره پوره کړ او لوبه يې د اته ویکټو په توپير وګټله.
