ميدان وردگ؛ په ميدان ښار کې د ۲۲ ورزشکارانو ترمنځ د تيږې اچونې سيالۍ ترسره شوې
د ميدان وردگ ولايت د بدني روزنې او ورزش امريت اړوند ملي او دوديزو لوبو مدیریت له لوري د یاد ولايت په مرکز ميدان ښار کې د ۲۲ ورزشکارانو ترمنځ د تيږې اچونې سيالۍ ترسره شوې.
دغه سیالۍ، چې ملي او دوديزو لوبو ته د ودې ورکولو او پرمختگ او د ځوانانو هڅولو په موخه چمتو شوې وې، په پايله کې سباوون لومړی، غيرت دويم او ظهور بيا درېيم مقام ترلاسه کړ.
د يادولو وړ ده، چې د دغو سياليو په پای کې غوره ورزشکارانو ته مډالونه، ستاينليکونه او چمتو شوې ډالۍ ورکړل شوې.
