ننګرهار؛ د خوږیاڼو ولسوالۍ په وزیرو سیمه کې ورزشي نندارې وړاندې شوې
د ننګرهار ولایت د خوږیاڼیو ولسوالۍ اړوند په وزیرو سیمه کې د یوه خصوصي ښوونځي د شاګردانو له لوري بیلابیلې په زړه پورې ورزشي نندارې وړاندې شوې.
په دغو نندارو کې غیږنیونه، سبمیشن، جمناستیک، لغته، سوک وهنې او یو شمېر نور حرکتونه نندارې ته وړاندې شول.
د روښان البدر خصوصي ښوونځي مسولینو او شاګردانو د یادو ورزشي نندارو له ترسره کېدو څخه خوښي څرګنده کړه او د ننګرهار ولایت له ورزش ریاست څخه یې مننه وکړه، چې په ليرې پرتې ولسوالۍ کې یې د داسې په زړه پورې نندارو زمینه مساعده کړې وه.
