غزني کې د ۶۱ ورزشکارانو ترمنځ د فټنس او بدن ښکلا ټاکنيزې سيالۍ ترسره شوې
د غزني ولايت د بدني روزنې او ورزش امريت اړوند د فټنس او بدن ښکلا فدراسيون د استازولۍ له لوري د ياد ولايت په ورزشي جمنازيوم کې د ۶۱ ورزشکارانو ترمنځ د فټنس او بدن ښکلا شپاړلسم پړاو ټاکنيزې سيالۍ ترسره شوې.
دغه سيالۍ، چې د ځوانانو او لويانو ورزشکارانو په عمري کټګوريو کې ترسره شوې، په پايله کې ۱۸ غوره ورزشکاران د غزني ولايت د فټنس او بدن ښکلا ملي لوبډلې ته وټاکل شول.
د يادو سياليو موخه د غزني د فټنس او بدن ښکلا منتخبې لوبډلې ته د غوره لوبغاړو موندل و؛ د سياليو په پای کې غوره ورزشکارانو ته مډالونه، اتلولۍ حکمونه او ستاينليکونه ورکړل شول.
