غزني کې د ۱۵۴ ورزشکارانو ترمنځ د کونګفو ټاکنیزې سیالۍ پیل شوې
د غزني ولایت د بدني روزنې او ورزش امریت اړوند د کونګفو فدراسیون د استازولۍ له لوري د یاد ولایت په ورزشي جمنازیوم کې د ۱۵۴ ورزشکارانو ترمنځ د کونګفو ټاکنیزې سیالۍ پیل شوې.
دغه سیالۍ د تنکیو ځوانانو، نويو ځوانانو، ځوانانو او لویو ورزشکارانو په عمري کټګورۍ او د ۱۸ څخه تر ۱۰۰ کیلو ګرام وزنونو کې ترسره شوې، چې په پایله کې له هرې کټګورۍ اته ورزشکاران، د غزني ولایت منتخبې لوبډلې ته وټاکل شی ، چې ټولیز شمېر يې ۳۲ کېږي.
هېره دې نه وي دغو سیالیو به درې ورځې دوام وکړی او موخه یې د غزني ولایت منتخبې لوبډلې ته د غوره لوبغاړو موندل دي.
