غزني؛ ګیلان ولسوالۍ کې د ۱۲ لوبډلو ترمنځ د فوټبال سیالۍ د شاهین لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د فوټبال فدراسیون د استازولۍ له لوري د ګیلان ولسوالۍ جنده بازار مرکز کې د ۱۲ لوبډلو ترمنځ د فوټبال سیالۍ، چې یوه میاشت وړاندې پيل شوې وې د شاهین افغان لوبډلې په اتلولۍ پای ته ورسېدې.
د دغو سیالیو پایلوبه کې د شاهین افغان لوبډلې خپلې سیالې هېواد بازان لوبډلې ته د ۳/۱ ګولونو په توپير ماتې ورکړه او اتلولي یې په خپل نوم کړه.
د یادو سیالیو موخه ورزش ته د ځوانانو هڅوول و.
د سیالیو په پای کې د ورزش امریت له لوري غوره لوبډلې ته د اتلولۍ جام او غوره لوبغاړو ته چمتو شوې جایزې ورکړل شوې.
