د میدان وردګ د سوک وهنې منتخبه لوبډله په ملي سیالیو کې د ګډون په موخه ننګرهار ولایت ته ولاړه
د میدان وردګ د سوک وهنې منتخبه لوبډله د استاد محمد هارون یادګار په مشرۍ ملي سیالیو کې د ګډون په موخه ننګرهار ولایت ته روانه شوه.
په دې لوبډلې کې ۵ ورزشکاران او یو روزونکی شتون لري.
د سوک وهنې په دې سیالیو کې چې د ننګرهار په کوربه توب ترسره کیږي د هېواد د ۲۴ ولایتونو د سوک وهنې ورزشکاران پکې ګډون کوي او اته ورځې به دوام وکړي.
یادې سیالۍ هر کال یو ځل ترسره کیږی چې د هېواد د سوک وهنې ملي لوبډلې ته ترې غوره لوبغاړي ټاکل کیږي.
