دایکندي؛ په پاتو ولسوالۍ کې د لاس چپه کولو سیالۍ ترسره شوې
د دایکندي ولایت د بدني روزنې او ورزش آمریت اړوند د ولسوالیو ورزشي مدریت له لوري د پاتو ولسوالۍ له مختلفو ځایونو د ۲۰ ورزشکارانو ترمنځ د لاس چپه کولو سیالۍ د یوې ورځې لپاره د یاد ولایت په تمزان بازار کې ترسره شوې.
په دغو سیالیو کې سمیع الله لومړی، اسماعیل دویم او زین الله درېیم مقام ترلاسه کړ.
د دې سیالیو د ترسره کېدو موخه محلي لوبو ته وده ورکول، د ځوانانو تشویق او د خلکو ترمنځ یووالی رامنځته کول ښودل شوي.
