بغلان؛ برکه ولسوالۍ کې د شپږو لوبډلو ترمنځ د والیبال سیالۍ پای ته ورسېدې
د بغلان ولایت د بدني روزنې او ورزش امریت له لوري د یاد ولایت په برکه ولسوالۍ کې د شپږو لوبډلو ترمنځ د والیبال سیالۍ د ولسوالۍ مرکز لوبډلې په اتلولۍ پای ته ورسېدې.
دغو سیالیو، چې یوه ورځ یې دوام وکړ، په پایلوبه کې د ولسوالۍ مرکز لوبډلې خپلې سیالې فلول لوبډلې ته د ۳/۲ میدانونو په توپیر ماتې ورکړه او اتلولي یې خپله کړه.
د یادو سیالیو موخه په بغلان ولایت کې والیبال ورزش ته وده ورکول و.
د سیالیو په پای کې ګټونکې لوبډلې ته د اتلولۍ کپ او غوره لوبغاړو ته چمتو شوي مډالونه او ستاینلیکونه ورکړل شول.
