بادغيس؛ په قلعه نو ښار کې د ۱۶ لوبډلو د فوټسال الف لیګ سیالۍ پیل شوې
د بادغیس ولایت د فوټبال فدراسیون د دغه ولایت د بدني روزنې او امریت په همکارۍ د ۱۶ لوبډلو ترمنځ د فوټسال الف لیګ سیالۍ په آریانا جمنازیوم کې پیل شوې.
د دغو سیالیو په پرانیست غونډه کې د بادغیس ولایت د بدني روزنې او سپورت امر، د دغه ولایت د فوټبال فدراسیون مسوولینو، ورزشکارانو، روزونکو، د رسنیو استازو، ځوانانو، او د دې برخې ګڼ شمیر مینه والو ګډون کړی و.
د دغو سیالیو د ترسره کولو موخه د ځوانانو ترمنځ د فوټسال وده او په بیلابېلو عمري کټګوریو کې د غوره څېرو پېژندل دي.
د دې سیالیو په لومړۍ لوبه کې د ارمان او نخبه ګان لوبډلو له یو بل سره مخامخ شول چې په پایله کې د ارمان لوبډلې د ۴-۵ په توپیر سره بریا خپله کړه.
ټاکل شوې دغه سیالۍ یوه میاشت دوام وکړي.
