د المپيک بدني روزنې او ورزش عمومي ريیس مولوي احمدالله وثيق او ورسره پلاوي د خپل سفر په دوام د بدخشان ولايت له ورزشي مسولينو سره وليدل
د المپيک بدني روزنې او ورزش عمومي رييس مولوي احمدالله وثيق او ورسره پلاوي د بدخشان ولايت د ورزشي آمريت له کارکوونکو او د ورزشي فدراسيونونو له مسولينو سره وليدل او د دوی ستونزې يې واورېدې.
په پيل کې د ياد ولايت ورزشي مسولينو د المپيک بدني روزنې او ورزش عمومي رييس مولوي احمد الله وثيق او ورسره پلاوي ته ښه راغلاست ووايه او ياد ولايت ته د هېواد د ورزش ادارې د ورتګ هرکلی يې وکړه.
ورپسې د المپيک، بدني روزنې او ورزش عمومي رئيس مولوي احمدالله وثيق او ورسره پلاوي د ياد ولايت د ورزشي ادارې او مختلفو ورزشي فدراسيونونو له استازو سره په وينا او خبرو کې د هغوی ستونزې پر ځای وبللې او له دوی سره يې ژمنه وکړه، چې د ورزش اداره به يې ستونزو ته تر خپل توانه پورې رسيدګي کوي.
نوموړي همداراز د ياد ولايت د ورزشي فدراسيونونو له مسولينو مننه وکړه، چې د ورزش د ودې په برخه کار کوي.
