افغانستان فوټسال ملي لوبډلې د برازيل څلور اړخيزو سياليو کې درېيم مقام خپل کړ.
د افغانستان فوټسال ملي لوبډلې د برازیل فوټسال څلور اړخیزو نړۍوالو دوستانه سیالیو په وروستۍ سیالۍ کې له ګرینلنډ هېواد سره د درېیم مقام پر سر سیالي وکړه، دغه سیالي دوه پر دوه مساوي شوه؛ خو د ۴ – ۲ پینالټیو په توپیر افغان لوبډلې ګرینلنډ ته ماتې ورکړه.
په یاده سیالۍ کې حسین محمدي او محمد جواد صفري د افغانستان په کټه ګولونه ووهل.
د دغو سیالیو اتلولي برازیل وګټله، ایران دویم او ګرینلنډ د څلورم مقام ګټونکی شو.
نوموړې سیالۍ د افغانستان، ایران، ګرینلنډ او برازیل هېوادونه په ګډون د روان میلادي کال د مارچ میاشتې پر درېیمه پیل او نن (د مارچ پر نهمه) پای ته ورسېدې.
