ننگرهار کې د ۸۰ ورزشکارانو ترمنځ د تکواندو سيالۍ وشوې
د ننگرهار ولایت د بدني روزنې او ورزش رياست اړوند د تکواندو فدراسیون د استازولۍ له لوري د ياد ولايت په مرکزي فوټبال لوبغالي کې د ۱۵ کلبونو د ۸۰ تنو ورزشکارانو ترمنځ د هېواد د بيا رغونې په نوم د تکواندو تشويقي سيالۍ وشوې.
دغه سيالۍ، چې د ياد ولايت په کچه چمتو شوې وې، په پايله کې يې احمد الله زړور کلب لومړی، شېر بهادر بټي کوټ کلب دويم او عبدالله شاهين کلب بيا درېيم مقام خپل کړ.
د ويلو ده، چې يادو سياليو يوه ورځ دوام وکړ او په پای کې غوره ورزشکارانو ته ستاينليکونه ورکړل شول.
