پکتیکا؛ په برمل ولسوالۍ کې د ۲۴ لوبډلو ترمنځ د ټېپ بال کرکټ سیالۍ پایه ته ورسېدې
د پکتیکا ولایت د بدني روزنې او سپورټ امریت اړوند ټېپ بال کرکټ فدراسیون استازولي او برمل ولسوالۍ د ځوانانو له لوري د ۲۴ لوبډلو ترمنځ د ټېپ بال کرکټ سیالۍ چې شل ورځې یې دوام وکړ د احمدزي چیلنجر لوبډلې په اتلولۍ پای ته ورسېدې.
د دغو سیالیو پایلوبې ته احمدزي چلینجر او عمري لښکر لوبډلو لار موندلې وه، لومړی توپوهنه احمدزي چلینجر لوبډلې ترسره کړه او په ټاکلو اتو اورونو کې یې د څلورو لوبغاړو په زیان سیالې لوبډلې ته ۱۵۴ منډې هدف کېښود، بل لوري ته عمري لوبډلې د ټولو اورونو په لوبولو سره د اوو لوبغاړو په زیان سره ۱۲۰ منډې جوړې کړې او سیالې لوبډلې ته یې په ۳۴ منډو ماتې ومنله.
هېره دې نه وي چې د یادو سیالیو موخه په لرې پرتو سېمو کې ورزش ته وده ورکول یاد شوي او په پای کې غوره لوبډلو ته چمتو شوې ډالۍ ورکړل شوې.
