خوست؛ ځوان زلميو لوبډلې د اقبال گربز په نوم د ټېپ بال کرکټ سیالیو اتلولي وگټله
د خوست ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د گربزو ولسوالۍ په بوريخلېو سيمه کې د ۳۵ لوبډلو ترمنځ د اقبال گربز په نوم د ټېپ بال کرکټ سيالۍ د ځوان زلميو لوبډلې په اتلولۍ پای ته ورسېدې.
د يادو سياليو پايلوبه د ځوان زلميو او متون اتفاق لوبډلو ترمنځ ترسره شوه، چې متون اتفاق لوبډلې د لوبې پچې په گټلو سره په ټاکلو اتو اورونو کې د پنځو لوبغاړو په سوځېدو سره سیالې لوبډلې ته د ۱۱۰ منډو هدف وټاکه، په مقابل کې ځوان زلميو لوبډلې ياد هدف په وروستي اور کې ترلاسه کړ او د اووه ويکټو په توپير يې بريا خپله کړه.
ياده دې وي، چې د دغو سياليو په پای کې اتلې لوبډلې ته يوه عراده موټرسایکل، کپ او مډالونه ورکړل شول.
