جوزجان ؛ مرکز کې د اتو لوبډلو ترمنځ د فوټسال ژمنۍ سیالۍ پیل شوې
د جوزجان ولایت د بدني روزنې او ورزش امریت اړوند د فوټبال فدراسیون د استازولۍ له لوري د اتو لوبډلو ترمنځ د فوټسال ژمنۍ سیالۍ د یاد ولایت په مرکزي جمنازیوم کې پیل شوې.
په دغو سیالیو کې د میهن کلب، همدردکلب، شهر داري، نوین خورشید، مجاهدکلب، اتحادکلب، آریانا تصدي افغان گاز او نظري کلب لوبډلو ګډون کړی وو.
دغه سیالۍ چې ۱۵ ورځې به دوام وکړي لومړۍ لوبه د اریانا تصدي افغان ګاز او مجاهد کلب د فوټسال لوبډلو ترمنځ ترسره شوه، چې په پایله کې د اریانا تصدي افغان ګاز لوبډلې وکولای شول خپلې سیالې لوبډلې ته د ۳/۰ ګولونو په توپیر ماتې ورکړه او بریا یې خپله کړه.
د دې سیالیو د ترسره کېدو موخه د لوبغاړو ترمنځ زړه سوی رامنځته کول او د جوزجان ولایت فوټسال لوبډلې ته غوره لوبغاړي پېژندل دي.
