هلمند؛ خانشين ولسوالۍ کې د لسو لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د ياد ولايت په خانشين ولسوالۍ کې د لسو لوبډلو ترمنځ د "اتحاد جام" په نوم د فوټبال سيالۍ د سالار سیلاب لوبډلې په اتلولۍ پای ته ورسېدې.
د يادو سياليو په پايلوبه کې سالار سیلاب لوبډلې خپلې سيالې مرکزي ځوانانو لوبډلې ته د ۵ پر ۴ گولونو په توپير ماتې ورکړه او اتلولي يې وگټله.
دا سيالۍ د ځوانانو د سالم مصروفیت په موخه وشوې او درې اوونۍ يې دوام وکړ.
