بلخ ؛ دولت آباد ولسوالۍ کې د لسو لوبډلو ترمنځ د واليبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د واليبال فدراسیون د استازولۍ له لوري د یاد ولایت په دولت آباد ولسوالۍ کې د لسو لوبډلو ترمنځ د واليبال سیالۍ د چهل چراغ لوبډلې په اتلولي پای ته ورسېدې.
د یادو سیالیو پایلوبه کې چهل چراغ لوبډلې د یو پر صفر میدان په توپیر خپلې سیالې حیدري لوبډلې ته ماتې ورکړه او اتلولي یې وګټله.
دا سیالۍ د والیبال ورزش ته د هڅولو په موخه ترسره شوې، چې یوه ورځ یې دوام وکړ.
