بلخ؛ چهار بولک ولسوالۍ کې د اتو لوبډلو ترمنځ د واليبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د واليبال فدراسیون د استازولۍ له لوري د یاد ولایت په چهار بولک ولسوالۍ کې د اتو لوبډلو ترمنځ د واليبال سیالۍ د بختيار لوبډلې په اتلولۍ پای ته ورسېدې.
د دغو سیالیو پایلوبه کې بختيار لوبډلې خپلې سیالې حاجي نياز محمد لوبډلې ته د ۰/۱ ميدان په توپیر ماتې ورکړه او اتلولي یې وگټله.
دا سیالۍ ورزش ته د ځوانانو هڅولو او له نشه یي توکو څخه يې د ليرې والي په موخه ترسره شوې، چې یوه شپه یې دوام وکړ.
