هلمند؛ لښکرگاه ښار کې د لسو ولسواليو ترمنځ د کبډي څلورم پړاو شپنۍ سيالۍ پيل شوې
د هلمند ولايت د بدني روزنې او ورزش امريت اړوند د ملي او دودیزو لوبو مدیریت له لوري د ياد ولايت په مرکز لښکرگاه ښار کې د لسو ولسواليو لوبډلو ترمنځ د روژې مبارکې میاشتې د ښه راغلاست په مناسبت د کبډي شپنۍ سيالۍ پيل شوې.
د دغو سياليو په لومړنۍ لوبه کې واشېر ولسوالۍ لوبډلې خپلې سيالې نادعلي ولسوالۍ لوبډلې ته د ۱۰ پر ۳ امتيازونو په توپير ماتې ورکړه او بريا يې په خپل نوم کړه.
د يادو سياليو موخه ملي او دودیزو لوبو ته وده ورکول دي، چې درې اوونۍ به دوام وکړي.
