هلمند؛ ګرمسېر ولسوالۍ کې د ۲۲ لوبډلو ترمنځ د فوټسال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ګرمسېر ولسوالۍ کې د ۲۲ لوبډلو ترمنځ د فوټسال سیالۍ د استقلال لوبډلې په اتلولي پای ته ورسېدې.
د یادو سیالیو پایلوبه د استقلال او جهان لوبډلو ترمنځ ترسره شوه، چې په پایله کې یې استقلال لوبډلې د ۹/۱ ګول په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه پیل شوې وې، چې دوې اوونۍ یې دوام وکړ.
