په پکتیکا کې د دولتي ادارو ترمنځ د همغږۍ په نوم د والیبال سیالۍ پای ته ورسېدې
د پکتیکا ولایت د بدني روزنې او ورزش امریت له لوري د ۲۲ دولتي ادارو د لوبډلو ترمنځ د والیبال سیالۍ، چې ۱۶ ورځې یې دوام وکړ، د پوهنې ریاست لوبډلې په بریا پای ته ورسېدې.
د دغو سیالیو پایلوبه د پوهنې ریاست او ملي تلویزیون لوبډلو ترمنځ ترسره شوه، چې په پایله کې پوهنې ریاست لوبډلې خپلې سیالې لوبډلې ته د ۳-۱ میدانونو په توپیر ماتې ورکړه او اتلولي یې خپله کړه.
یادې سیالۍ د پکتیکا ولایت د مرستیال وال.ي مخدوم عبدالسلام سعادت په مالي همکارۍ ترسره شوې او موخه یې د دولتي ادارو ترمنځ همغږي رامنځ ته کول وو.
په پای کې غوره لوبډلو ته د مسوولینو له لوري چمتو شوې ډالۍ ورکړل شوې.
