هلمند؛ مارجې ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت له لوري د یاد ولایت په مارجې ولسوالۍ کې د ٢٤ لوبډلو ترمنځ د ټېپ بال کرېکټ سیالۍ د ستورو پوپل لوبډلې په اتلولي پای ته ورسېدې.
د یادو سیالیو پایلوبه کې ستورو پوپل لوبډلې د ٧ ویکټو په توپیر خپلې سیالې روحاني لوبډلې ته ماتې ورکړه او اتلولي یې وګټله.
دا سیالۍ د لوی اختر په مناسبت ترسره شوې، چې لس ورځې یې دوام وکړ.
