پکتیا کې د ۴۰ ورزشکارانو ترمنځ د رزمي ورزشونو د فول کنټاکټ سبک سيالۍ ترسره شوې
د پکتیا ولايت د بدني روزنې او ورزش رياست اړوند د رزمي ورزشونو فدراسيون د استازولۍ له لوري د ياد ولايت مرکز ګردېز ښار مبارز اتل کلپ کې د ۴۰ ورزشکارانو ترمنځ د رزمي ورزشونو فول کنټاکټ سبک دوستانه سيالۍ ترسره شوې.
دغه سيالۍ د نويو ځوانانو، ځوانانو او لویانو ورزشکارانو په عمري کټګوريو کې ترسره شوې، چې په پايله کې ۲۰ ورزشکارانو خپلو سيالانو ته په ماتې ورکولو سره برياوې خپلې کړې.
د يادو سياليو موخه په یاد ولایت کې د فول کنټاکټ ورزش ته وده ورکول و، چې يوه ورځ يې دوام وکړ.
