ارزګان؛ په خاص ارزګان ولسوالۍ کې د اوو لوبډلو ترمنځ د ټېټ بال کرېکټ سیالۍ پیل شوې
د ارزګان ولایت د بدني روزنې او ورزش امریت اړوند د ټیب بال کرېکټ فدراسیون د استازولۍ له لوري د ياد ولايت په خاص ارزګان ولسوالۍ کې د اوو لوبډلو ترمنځ د ټیب بال کر کیټ سیالۍ د اتفاق لوبډلې په بريا سره پیل شوې.
د دغو سياليو لومړۍ لوبه د اتفاق او نيوسټار لوبډلو ترمنځ ترسره شوه، اتفاق لوبډلې د پچې په ګټلو سره د توپ وهنې پرېکړه وکړه په ټاکلو ۱۲ اورونو کې د درې لوبغاړو په سوځېدو سره یې مقابلې لوبډلې ته د ۱۴۵ منډو هدف وټاکه. په ځواب کی نيو سټار لوبډلې په ۱۲ اورونو کې د ټولو لوبغاړو په سوځېدو سره ۱۱۳ منډې جوړې کړې او لوبه یې د ۳۲ منډو په توپير سره وبايلله.
د يادو سياليو موخه ورزش ته د ځوانانو هڅول دي، چې ۱۰ ورځې به دوام وکړي.
