ننګرهار کې د واليبال سيالۍ پای ته ورسېدې
د ننګرهار ولايت درهنور ولسوالۍ په کوربتوب د واليبال فدراسيون په تخنيكي همکارۍ د (سولې او ابادۍ) په نوم لوبې وشوې.
یادې سیالۍ د ختیځ ۱۶ لوبډلو او د کابل څرخيپله لوبډلې تر منځ جوړې شوې وې، چې یوه اونۍ یې دوام وکړ.
یادې سیالۍ د ننګرهار په درهنور ولسوالۍ کې جوړې شوې وې، چې په پای کې د کابل شهید فیصل بابکرخېل لوبډلې په بریا پای ته ورسېدلې.
د ننګرهار د بدني روزنې امر نوراحمد حبيبى په پایلوبه کې پر ولسونو او ځوانانو غږ وکړ، چې پر خپلو اولادونو ورزش وکړي، ځکه ورزش د سولې، امن، ملي يووالي، اتفاق او خوشحالۍ نوم دی.
د سیالیو په پای کې غوره لوبغاړو او ګټونګې لوبډلې ته کپونه او مډالونه ورکړل شول.
