خوست؛ زرغون ستورو لوبډلې د خوست رسنیز جام اتلولي وګټله
د خوست ولایت د ورزش امریت له لوري د دې ولایت د ځايي رسنیو د اتو لوبډلو ترمنځ د ټېپ بال کرکټ سیالیو اتلولي زرغون ستورو لوبډلې وګټله.
د دې سیالیو په پای لوبه کې زرغون ستورو لوبډلې د پچې په ګټلو سره سیالې لوبډلې ته په ټاکلو ۱۲ اورونو کې د اتو لوبغاړو په سوځېدو ۱۸۸ منډې هدف کېښود، چې هوا راډيو لوبډلې د یاد هدف په پوره کولو کې پاتې راغله او په ټاکلو ۱۲اورونو کې يې د اوو لوبغاړو په سوځېدو ۱۱۳ منډې جوړې کړې او د څلورو منډو په ټوپیر يې لوبه وبایلله.
د دې سیالیو غوره لوبغاړی اکبر سمون، غوره توپ اچوونکی بسم الله ذهین او غوره توپ وهونکی سلیمان سراج ونومول شول.
