کندز ؛ په دوو وزنونو کې د ۴۶ جوړو ترمنځ د کورش سیالۍ وشوې
د کندز ولایت په ورزشي لوبغالي کې د ورزش رياست او کورش فدراسيون له لوري د ٥٥ او ٦٠ کيلوګرامه وزن لرونکو ورزشکارانو ترمنځ د کورش يا غېږنيونې سيالۍ ترسره شو.
په دغو سياليو کې په ٥٥ کيلو وزن کې ١٦ جوړې او په ٦٠ کيلو وزن کې ٣٠ جوړې ورزشکاران د یو بل پر وړاندې ولوبېدل، چې په ٥٥ کيلو وزن کې صادق او ٦٠ کيلو وزن کې سلطان بېګ لومړي مقامونه خپل کړ.
د دغو سياليو موخه چې د ولايتي لوبو لپاره د غوره ورزشکارانو په ګوته کول وو، په پاى کې پياوړو لوبغاړو ته مډالونه، تقدیر نامې او ډالۍ هم ورکړل شوې.
