ننگرهار کلب د ننگرهار فوټبال غوره ليگ سياليو اتلولي وگټله
د ننگرهار ولايت د بدني روزنې او ورزش په همکارۍ او د فوټبال ملي فدراسیون له لوري د ياد ولايت په مرکزي سټډيوم کې د ۱۰ غوره کلبونو ترمنځ د ننگرهار فوټبال غوره ليگ سيالۍ د ننگرهار کلب په اتلولۍ پای ته ورسېدې.
دا سيالۍ د ليگ په ډول ترسره شوې، چې په پايله کې ننگرهار کلب د ۲۵ امتيازونو په ترلاسه کولو سره اتلولي يې وگټله او همدارنگه په ترتيب سره عزت الله قاطع کلب نائب قهرماني او پېداگوژي کلب بيا درېيم مقام ترلاسه کړ.
د يادونې وړ ده چې د دغو سياليو موخه د ياد ولايت په کچه د غوره لوبډلې ټاکل و، چې شاوخوا ۴۵ ورځې يې دوام وکړ.
