کندز کې د ۸۰ کورشکارانو ترمنځ د کورش ټاکنيزې سيالۍ وشوې
د کندز ولایت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په مرکز ابدان دښته کې د ۸۰ تنو کورشکارانو ترمنځ د ځوانانو او لويانو په عمري او بېلابېلو وزني کټگوريو کې د کورش ټاکنيزې سيالۍ وشوې، چې دوې ورځې يې دوام وکړ.
د يادو سياليو په پايله کې ۷ تنه د ځوانانو او ۷ تنه بيا د لويانو په عمري کټگوريو کې د کندز ولایت منتخبې لوبډلې ته وټاکل شول.
د ويلو ده، چې د دغو سياليو موخه د ياد ولايت منتخبې لوبډلې ته د غوره کورشکارانو موندل وو.
