په کندهار کې د اتو لوبډلو ترمنځ د فوټسال سيالۍ پيل شوې
د کندهار ولايت د بدني روزنې او ورزش رياست اړوند د فوټبال فدراسيون د استازولۍ له لوري د ښادمن روغتیايي علومو انستیتوت په همکارۍ د ياد ولايت په لوبیستان لوبغالي کې د ٨ لوبډلو ترمنځ د فوټسال سيالۍ پيل شوې.
د دغو سياليو په لومړۍ لوبه کې ملګري لوبډلې خپلې سيالې ان اف سي لوبډلې ته د ۴-٣ ګولونو په توپیر ماتې ورکړه او بريا يې خپله کړه.
د يادونې وړ ده چې دغه سيالۍ به شپږ ورځې دوام وکړي.
