زابل؛ مرکز قلات ښار کې د ۳۰ ورزشکارانو ترمنځ د رسۍ کشوونې سيالۍ ترسره شوې

د زابل ولايت د بدني روزنې او سپورټ آمريت اړوند د ملي او دوديزو لوبو مديريت له لوري په قلات ښار کې د استاد ايمل او استاد نجيب الله لوبډلو د ۲۰ ورزشکارانو ترمنځ د رسۍ کشوونې سيالۍ تر سره شوې.

دغه سيالۍ، چې يو ورځ يې دوام وکړ، په پايله کې د استاد نجيب الله لوبډلې لومړی مقام ترلاسه کړ.

د يادو سياليو موخه ملي او دوديزو لوبو ته وده ورکول ښودل شوي وو او په پای کې د ورزش آمريت له لوري غوره ورزشکارانو ته ستاينليکونه ورکړل شول.