میدان وردګ؛ د جلرېز ولسوالۍ والیبال سیالۍ د راشکو بابا لوبډلې په اتلولۍ پای ته ورسېدې
د میدان وردګو ولایت د بدني روزنې او ورزش امریت او جلرېز ولسوالۍ د سپورټي کمېټې په همغږۍ په یاده ولسوالۍ کې د ۲۸ لوبډلو ترمنځ د والیبال سیالۍ د راشکو بابا لوبډلې په اتلولۍ پای ته ورسېدې.
دغه سیالۍ چې لس ورځې یې دوام وکړ په پایلوبه کې راشکو بابا لوبډلې خپلې سیالې فامیلو لوبډلې ته د ۳-۲ میدانونو په توپیر ماتې ورکړه او اتلولي یې خپله کړه.
باید یادونه وشي چې په دغو سیالیو کې د مرکز میدان ښار، جلرېز او نرخ ولسوالیو د والیبال لوبډلو ترڅنګ د بامیانو ولایت څخه هم دوو لوبډلو ګډون کړی و.
هېره دې نه وي چې په پای کې غوره لوبډلو او لوبغاړو ته د یاد ولایت د ورزشي امریت د مسولینو له لوري کپونه او ستاینلیکونه ورکړل شول.
