غزني؛ اندړو ولسوالۍ کې د ۹۶ ورزشکارانو ترمنځ د نېزه وهلو سیالۍ ترسره شوې
د غزني ولایت د بدني روزنې او ورزش امریت اړوند د وزلوبې فدراسیون د استازولۍ له لوري د یاد ولایت د اندړ ولسوالۍ په چهاردیوال ورزشي لوبغالي کې د ۹۶ ورزشکارانو ترمنځ د نېزه وهلو سیالۍ ترسره شوې.
د دغو سیالیو په پایله کې د فتح محمد شلګیروال لوبډلې د ۱۲ امتیازونو په ترلاسه کولو لومړی، سرحدي وفادار لوبډلې د ۱۰ امتیازونو په ترلاسه کولو دویم او د خواجه فیض ګل لوبډلې د ۹ امتیازونو په ترلاسه کولو درېیم مقام ترلاسه کړ.
د یادو سیالیو موخه د نېکمرغه لوی اختر لمانځل و، چې په پای کې یې د غزني ولایت ورزشي امریت له لوري غوره لوبډلې ته کپ او غوره لوبغاړو ته ستاینلیکونه ورکړل شول.
