د ورزش ادارې په اداري تشکیل کې نوې ټاکنې وشوې
د المپیک، بدني روزنې او ورزش عمومي ریاست په حکم د یاد ریاست د تدراکاتو او زده کړو آمریتونو لپاره نوي آمرین وټاکل شول.
د یاد ریاست د حکم پر بنسټ، ملا محمد عزیز عزیزي د تدراکاتو د آمر په توګه او د تدارکاتو پخوانی آمر لعل محمد سیار د زده کړو امریت د آمر په توګه وټاکل شول.
د یادو آمرینو د معرفي په غونډه کې د ورزش ادارې عمومي رئیس مولوي احمدالله وثیق، د یاد ریاست فني او مسلکي مرستیال حافظ احمدجان ځدراڼ، مالي او اداري عمومي رئیس مولوي عبدالناصر هاشمي او نورو رهبري غړو ګډون کړی و.
مولوي احمدالله وثیق په ادارو کې بدلون یو مهم اصل وباله او زیاته یې کړه، چې دا پرېکړه یې د ورځنیو اداري چارو د پرمختګ او لا ښه والي په موخه کړی ده.
دغه راز ګومارل شویو آمرینو د ورزش ادارې د رهبري له باور مننه وکړه او زیاته یې کړه چې هڅه به کوي، چې ور سپارل شوي مسؤولیتونه به په منظمه او غوره توګه ترسره کوي.
