زابل؛ شاه ناصر لوبډلې د مرکز قلات ښار د ټېپ بال سياليو اتلولي وګټله
د زابل ولايت په مرکز قلات ښار کې د بدني روزنې او سپورټ امريت په همغږۍ د لېسو ترمنځ د کرکټ ټېپ بال سيالۍ، چې درې ورځې وړاندې د ٦لوبډلو ترمنځ پيل شوې وې، د شاه ناصر لوبډلې په لومړي مقام ګټلو سره پاى ته ورسېدې.
د دغو سياليو په پايله کې د شاه ناصر او اتلانو لوبډلو پايلوبې ته لار وموندله، چې اتلانو لوبډلې په ټاکلو لسو اورونو کې ٨٠ منډې وکړې.
په مقابل کې د شاه ناصر لوبډلې د لوبې په درېیم اور کې ورکړل شوى هدف پوره کړ او لوبه يې د لس ويکټو په توپیر وګټله.
په پاى کې غوره ورزشکارانو ته د بدني روزنې او سپورټ امريت له لوري ورزشي وسايل هم ورکړل شول.
