د بدن ښکلا درې افغان ورزشکارانو دویم او درېیم نړۍوال مقامونه وګټل
د بدن ښکلا، فزیک او فټنس پنځلسم پړاو نړۍوالې سیالۍ چې د مالدیف په کوربه توب د څه باندې ٤٠ هېوادونو ورزشکارانو ترمنځ په بېلابېلو وزني کټګوریو کې پیل شوي دي، افغان ورزشکارانو پکې دوه د سپينو زره او یو د برنزو مډال ترلاسه کړ.
په دغو سیالیو کې نهه افغان ورزشکارانو په بېلابېلو کټګوریو کې ګډون کړی دی، چې له ډلې یې حمیدالله عمري په ٨۵ کیلو ګرامه وزن کې د بدن روزنې په برخه کې د سپينو زرو، حمید خوش دل په ١٧٠ سانتي متر قد کې د سپورت فزیک په برخه کې د سپينو زرو او نصيب الله عظيمي په ١٧٠ سانتي متر قد کې د سپورت فزیک په برخه کې درېیم مقام ترلاسه کړ.
د یادونې وړ ده چې تېره ورځ د همدغو سياليو په لړ کې علي رضأ آساهي د بدن روزنې په برخه کې د ٨٠+ کيلو ګرام وزن سره د سرو زرو مډال وګاټه.
د بدن ښکلا او فټنس دغه سيالۍ د روانې لړم میاشتې په ١٨مه نېټه پیل شوي دي او تر ٢١مې نېټې پورې به دوام وکړي.
