غزني کې د ۹۰ ورزشکارانو ترمنځ د کیک بوکس سیالۍ ترسره شوې
د غزني ولایت د بدني روزنې او ورزش امریت اړوند د کیک بوکس ملي فدراسیون د استازولۍ له لوري د یاد ولایت په مرکز کې د ۹۰ ورزشکارانو ترمنځ په تک فایټ سبک کې د کیک بوکس لسم پړاو خزاني سیالۍ ترسره شوې.
په دغو سیالیو کې د میدان وردګ، زابل، پکتیکا، بامیان، پکتیا او د غزني ولایتونو ورزشکارانو ګډون کړی وو.
دغه سیالۍ د تنکیو ځوانانو، نویو ځوانانو، ځوانانو او د مشرانو ورزشکارانو په عمري کټګوریو او بېلا بېلو وزني کټګوریو کې ترسره شوې، چې په پایله کې ۴۵ ورزشکارانو بریاوې خپلې کړې او د ولایتونو په کچه د غزني ولایت د ۳۸ مډالونو په ترلاسه کولو لومړی، پکتیکا ولایت د ۴ مډالونو په ترلاسه کولو دویم او د کابل ولایت د ۳ مډالونو په ترلاسه کولو سره درېیم مقام ترلاسه کړ.
د یادو سیالیو موخه د کیک بوکس سیالیو ته وده ورکول او د ځوانانو ترمنځ یووالی رامنځته کول و، چې یوه ورځ يې دوام وکړ.
د سیالیو په پای کې د ورزش مسوولینو له لوري غوره ورزشکارانو ته مډالونه او د اتلولۍ حکمونه ورکړل شول.
