ميدان وردگ؛ په ميدان ښار کې د شپږو لوبډلو ترمنځ د رسۍ کشوونې سیالۍ ترسره شوې
د ميدان وردگ ولايت د بدني روزنې او ورزش امريت اړوند د ملي او دوديزو لوبو مديريت له لوري د ميدان ښار په جمنازيوم کې د شپږو لوبډلو ترمنځ ملي او دوديزو لوبو ته د ودې ورکولو او پرمختگ په موخه د رسۍ کشوونې دوستانه سيالۍ ترسره شوې.
دغه سیالۍ چې دوې ورځې يې دوام وکړ، په پايله کې حسن زي لوبډلې لومړی، مندوزي لوبډلې دويم او علي خېل لوبډلې بيا درېيم مقام ترلاسه کړ.
د یادولو وړ ده، چې د دغو سياليو په پای غوره ورزشکارانو ته مډالونه، ستاينليکونه او چمتو شوې ډالۍ ورکړل شوې.
