خوست: د حاجي ولي محمد کلپ لوبډلې د یووالي تر عنوان لاندې د کرکت ټورنمنټ وګاټه.
یادې سیالۍ د 40 لوبډلو ترمنځ د یووالي په نوم د گربزو په سیمه کې جوړ شوې وې چې پکې د سیمې مشرانو ، ځوانانو او د ورزش مینه والو برخه اخیستې وه.
د یاد ټورنمنټ پای لوبې ته د حاجي ولي محمد او ګربزو بریخېلو لوبډلو لار موندلې وه چې د حاجي ولي کلپ لوبدلې په ټاکلیو اتو اورونو کې یې مقابلې لوبدلی ته 146 منډې هدف ورکړ.
خو مقابله لوبډله په دې ونه توانېدله، چې یاد هدف ته ځان ورسوي او لوبه دحاجي ولي کلب په بریا سره پای ته ورسېده.
د مراسمو په پای کې تحفې ، مډالونه، کپونه او ګټونکې لوبډلې ته موټرسایکل ورکړل شو.
