کندز کې د ۵۳ ورزشکارانو ترمنځ د بدن ښکلا او فټنس یوولسم پړاو ټاکنیزې سیالۍ ترسره شوې
د کندز ولایت د بدني روزنې او ورزش ریاست اړوند د بدن ښکلا او فټنس فدراسیون د استازولۍ له لوري د ۵۳ ورزشکارانو ترمنځ د بدن ښکلا او فټنس یوولسم پړاو ټاکنیزې سیالۍ ترسره شوې.
د دغو سیالیو په پای کې نهه تنه د بدن ښکلا او پنځه تنه د فټنس په برخه کې د کندز منتخبې لوبډلې ته وټاکل شول او په ټوله کې اکبري کلب لومړی، نبي زاده کلب دویم او آمو کلب بیا درېیم مقام خپل کړ.
دا سیالۍ د کندز ولایت د بدن ښکلا او فټنس ټاکنیزې لوبډلې ته د غوره ورزشکارانو د ټاکلو په موخه ترسره شوې، چې یوه ورځ یې دوام وکړ.
